Japondyq azamat eki qaýyndy rekordtyq 27,2 myń dollarǵa satyp aldy
ASTANA. QazAqparat - Japonııalyq Hokkaıdo aralynda - 2016 jylǵy birinshi ónimniń «ıýbarı» surypynyń eki qaýyny rekordtyq 3 mıllıon ıenge(27,23 myń AQSh dollary) satyldy, dep jazady RIA Novostı.
Jiji agenttiginiń málimetterinshe, bul dámi erekshe tátti jumsaq-sarǵylt tústi suryptyń eń qymbat qaýyndary Japonııanyń negizgi araly Honsıýdiń ońtústik-batysyndaǵy Amagasakı qalasyndaǵy sýpermarketten satyp alynǵan. Satyp alýshynyń aıtýynsha, ol «ıýbarı» qaýyndaryn áýeli dúken sóresine qoıyp, odan keıin ǵalamtor bássaýdasyna shyǵarmaq.
Hokkaıdoda buǵan deıingi rekord 2008 jyly ornatylǵan. Onda qaýyndar 2,5 mıllıon eýroǵa (shamamen 22,7 myń dollar) satylǵan bolatyn.
Bul qaýyndar tamasha syılyq bolyp sanalady. «ıÝbarıdiń» ónimin mamyrdan qyrkúıektiń basyna deıin jınaıdy. Jylyna ortasha alǵanda bul suryptyń 4,3 myńǵa jýyq tonnasy jınalady.
