Japondyq akvaparkte belgisiz bireý 8 qyzdy pyshaqtap ketti
ASTANA. QazAqparat - Tokıonyń shet jaǵyndaǵy japondyq Tokyo Summerland akvaparkinde belgisiz bireý kem degende segiz adamdy pyshaqtap ketti, dep habarlaıdy Ýtro.rý.
Barlyq japa shekkender 19 ben 21 jas aralyǵyndaǵy qyzdar.
Qazirgi ýaqytta olar aýrýhanaǵa jatqyzyldy. Akvaparkke kelgenderge kimniń shabýyl jasaǵany ázirshe belgisiz bolyp otyr.
Qolda bar aqparatqa qaraǵanda, aram oıly sýǵa túsip júrgenderge bildirtpeı kelip, jaralaǵan. Qazirgi ýaqytta oqys oqıǵa bolǵan jerde quqyqqorǵaý organdary bul keleńsiz jaıtty tekserip jatyr.
Eldegi iri akvaparkterdiń biri bolyp sanalatyn Tokyo Summerland 1970 jyly ashylǵan. Kún saıyn munda júzdegen adamdar keledi, al demalys kúnderi olardyń sany edáýir artady.
