Japondyq AES-ten radıoaktıvti sýdyń teńizge aǵýy anyqtaldy
ASTANA. 2 sáýir. QazAqparat - Japondyq apatty «Fýkýsıma-1» AES-i ekinshi energoblogynyń tsementtelgen irgetasy jarylyp, odan radıoaktıvti sýdyń teńizge aǵýy anyqtaldy, dep habarlady «Lenta.rý» agenttigi.
Bul týraly Reuters agenttigi málim etken. Radıoaktıvti sýdyń aǵýyn Kyodo agenttiginiń resmı tulǵalary da qýattady.
«Fýkýsıma-1» AES-indegi apattar onymen attas prefektýrada 2011 jylǵy 11 naýryzdaǵy zilzala men tsýnamıden keıin boldy. Tabıǵat apaty saldarynan AES-te reaktorlardy salqyndatatyn qurylǵyda elektr júıesi isten shyqty. Budan keıin onda birneshe jarylys oryn aldy, ásirese ekinshi reaktor zardap shekti.
Odan keıin AES-te radıatsııa tarala bastady. AES mańyndaǵy teńiz sýynda radıoaktıvti ıod mólsheri normadaǵydan 4385 ese artyq boldy. 2 reaktordyń irgetasyndaǵy jaryqtyń paıda bolýy saldarynan reaktordy salqyndatýǵa paıdalanylǵan sýdyń teńizge aǵýy anyqtaldy.
AES-tegi apat saldaryn joıýdyń sáti áli túspeı tur. Japon ókimet oryndary «Fýkýsıma-1» qalpyna keltirilmeıdi jáne jabylady dep málimdedi.
Japon atom elektr stansysyndaǵy apattyń nátıjesinde radıatsııa taralýyna baılanysty álemniń kóptegen elderi japondyq azyq-túlik pen balyq ónimderi jetkizilimine tyıym saldy. Solardyń ishinde Reseı de bar.
