Japondyqtar Keln soboryna erekshe syı jasap, stýdentterdiń qylyǵyna keshirim surady
ASTANA. KAZINFORM — Germanııadaǵy áıgili Keln soboryna bıiktigi úsh metr, salmaǵy 700 keli bolatyn jańa gargýlıa ornatyldy. Erekshe músin Japonııa tarapynan syı retinde jasaldy, dep jazdy DW.
Qurylysqa shamamen eki jyl ýaqyt ketken.
Qumtastan oıylǵan grotesktik beıneli sý aǵyzǵyshty 20 metr bıiktikke ornalastyrý rásimi 4 qyrkúıekte ótti. Saltanatty sharaǵa Iokogamadan Kanagav ýnıversıtetiniń delegatsııasy keldi. Olar gargýlıa jasaýǵa 10 myń eýro kóleminde qarajatty qaıyrymdylyq retinde aýdardy. Bul — 2016 jyly japon stýdentteriniń orynsyz áreketi úshin resmı keshirim bildirýdiń belgisi.
Sol jyly atalǵan ýnıversıtettiń eki stýdenti Ońtústik munaradaǵy kórinis alańyna kóterilgende qabyrǵaǵa attary men kúnin jazyp ketken. Bul jaıt Japonııada ádepsiz áreket retinde qabyldandy.
Oqıǵaǵa japondyq BAQ nazar aýdarǵannan keıin ýnıversıtet ókilderi birden keshirim surap, Kelnge arnaıy delegatsııa jibergen bolatyn.
Osylaısha, segiz jyl ótken soń japon stýdentteriniń qylyǵy tarıhı ǵımaratty jańa músinmen tolyqtyrýǵa sebep boldy.
Aıta keteıik, Japonııada jas jigit synyptasynyń 83 jastaǵy ájesine úılenbek.