Japondyq sarapshylar Qazaqstannyń 4 oblysynda 13 gıdrotehnıkalyq nysandy tekserdi
ASTANA. KAZINFORM – Japondyq mamandar Qazaqstannyń 4 oblysynda 13 gıdrotehnıkalyq nysandy tekserdi. Bul týraly Sý resýrstary jáne ırrıgatsııa mınıstrliginiń baspasóz qyzmeti habarlady.
Japonııanyń Qazaqstandaǵy elshisi Djýn ıAmada, Japonııanyń Halyqaralyq yntymaqtastyq agenttiginiń (JICA) sý resýrstaryn basqarý jónindegi aǵa keńesshisi Sambe Nobýo jáne joba úılestirýshisi Aııa Ito Aqtóbe oblysyna bardy. Sheteldik sarapshylar jergilikti «Qazsýshar» fılıalynyń mamandarymen kezdesip, atqarylǵan jumystar týraly esep berdi.
JICA mamandary sý tasqyny kezinde úlken kólemde sý qabyldaǵan Aqmola, Qaraǵandy, Aqtóbe jáne Batys Qazaqstan oblystaryndaǵy sý sharýashylyǵy nysandaryn zerttedi. Atap aıtqanda, Sileti, Shaǵalaly, Astana, Shoqaı, Samarqand, Yntymaq, Bitik, Dóńgelek, Aqtóbe, Qarǵaly jáne Sazdy sý qoımalary men Astananyń qorǵanys bógeti men Preobrajenskıı sý torabyna bardy.
«Japonııalyq delegatsııa Aqtóbe, Qarǵaly jáne Sazdy sý qoımalarynyń gıdrotehnıkalyq qurylystaryn aralady. JICA mamandary kúrdeli zaqymdaný tappady. Tekseris nátıjesi men anyqtalǵan olqylyqtardy joıý jóninde usynystar Sý resýrstary jáne ırrıgatsııa mınıstrligine berildi», - dedi Aqtóbe oblysy boıynsha «Qazsýshar» fılıalynyń dırektory Rınat Shaýenov.
