Japondyq Pepper roboty Gınnestiń rekordtar kitabyna endi

ASTANA. KAZINFORM — Pepper robotyn eshkim satyp ala almaıdy. Ony tek japondyq SoftBank kompanııasynan jalǵa alýǵa múmkindik bar, dep habarlaıdy TASS.

SoftBank kompanııasynyń Pepper roboty Gınnestiń rekordtar kitabyna álemdegi alǵashqy jappaı shyǵarylǵan gýmanoıd servıstik robot retinde endi.

Japon naryǵynda Pepper roboty alǵash ret 2014 jyldyń maýsym aıynda jaryqqa shyqty. Boıy 121 sm bolatyn gýmanoıd robot adamdarmen sóılesedi. Ol saýda ortalyqtarynda, meıramhanalarda, mektepterde jáne qarttar úıinde keńinen qoldanylady. Keıinirek SoftBank jasandy ıntellektpen jabdyqtalǵan Pepper+ nusqasyn iske qosty.

— Biz robottarymyzdyń múmkindikterin keńeıtýdi jalǵastyramyz, — dep atap ótti SoftBank kompanııasy.

Aıta keteıik, robotty satyp alý múmkin emes, ony tek SoftBank-ten jalǵa alýǵa bolady. Jyldyq jaldaý aıyna 43 780 ıen (282 dollar), al aı saıynǵy jaldaý 76 780 ıen (494 dollar) turady.

Aıta keteıik, Qytaıdyń Xiaopeng Motors kompanııasy jańa býyndaǵy IRON robotyn tanystyrdy.