Japondyq komıkster 5 jyl qatarynan satylym boıynsha rekord jańartyp keledi

ASTANA. KAZINFORM — Japonııada komıks (Manga) satylymy 2024 jyly alǵash ret 700 mlrd ıennen (4 4,67 mlrd dollar) asty, dep habarlaıdy Kazinform Kyodo News-ke silteme jasap.  

Manga komıksteriniń satylymy ótken jylmen salystyrǵanda 1,5%-ǵa ósti.

Osylaısha, besinshi jyl qatarynan Manga satylymynyń rekordtyq kórsetkishteri tirkelip otyr. Bul rette jalpy somasy 704,3 mıllıard ıenge jýyqtaǵan komıkstiń 72,7%-y tsıfrlyq formatta satylǵanyn aıta ketken jón.

Komıkstiń baspadaǵy nusqalarynyń satylymy COVID-19 pandemııasy kezinde suranystyń azaıýynan keıin áli de tómendep keledi, dep habarlaıdy Jarııalanymdardy zertteý ınstıtýty (Research Institute for Publications).

Manga komıksteriniń tsıfrlyq satylymy 6%-ǵa ósip, 512,2 mıllıard ıenge jetti. Degenmen ınstıtýttyń málimeti boıynsha ósý qarqyny baıaýlaıdy.

Baspadaǵy nusqalarynyń satylymy ótken jylmen salystyrǵanda 8,8%-ǵa tómendep, 192,1 mıllıard ıendi qurady.

Bul kórsetkishter ótken jyly Sıqyrly shaıqas (Jujutsu Kaisen), Meniń qaharman akademııam (My Hero Academia) jáne Juldyzdy bala (Oshi no Ko) syndy birneshe tanymal serııalardyń aıaqtalýymen sáıkes keldi.

Japonııanyń baspa naryǵyndaǵy Manga komıksteriniń úlesi 1,3%-ǵa ósip, 44,8%-ǵa jetti, dep habarlaıdy japonııalyq aqparat agenttigi.

Budan buryn Japonııa atom energetıkasy salasyn qaıta qarastyratyny aıtyldy.