Japondyq áıel álemdegi eń qart adam atandy
ASTANA. KAZINFORM – Japonııanyń Acııa qalasynyń turǵyny, 116 jastaǵy Tomıko Itoka álemdegi eń qart adam atandy, dep habarlaıdy Gınnestiń rekordtar kitabynyń saıty.
Tomıko Itoka ıspanııalyq 117 jastaǵy Marııa Branıas qaıtys bolǵannan keıin álemdegi eń qart adam atandy.
Tomıko eldiń Hıogo prefektýrasyna qarasty Asııa qalasyndaǵy qarttar úıinde turady.
Úsh aı buryn Tomıko óziniń 116 jasyn toılap, qala merinen gúl shoqtary men tort (ózine unamaǵanyn moıyndady) jáne quttyqtaý qaǵazyn aldy. Qyzmetkerler estý qabiletiniń buzylýyna qaramastan, ol anyq sóıleıtinin jáne olarǵa únemi alǵys bildiretinin atap ótti.
20 jasynda turmysqa shyǵyp, tórt balasyn (eki qyz, eki ul) dúnıege ákeldi. Nemere, shóbereleri kóp.
Eske sala ketsek, 2023 jyldyń jeltoqsanynda Tomıko Itoka 116 jastaǵy Fýsa Tatsýmı qaıtys bolǵannan keıin Japonııadaǵy eń qart adam atandy.
