Japondyq alyp ýstrıtsa Shvetsııa jaǵalaýyna jaıylyp jatyr

ASTANA. KAZINFORM — Sońǵy jıyrma jyl ishinde óziniń ótkir qabyǵymen tanymal japondyq alyp ýstrıtsa (Magallana gigas) Shvetsııanyń batys jaǵalaýyndaǵy eń keń taralǵan mollıýskilerdiń birine aınaldy, dep habarlaıdy AZERTADJ.

Búginde bul ýstrıtsa Bohýslennen bastap Skanııa jaǵalaýyna deıingi aýmaqta kezdesedi jáne keıbir jerlerde tyǵyz shoǵyrlar qurap úlgergen. Onyń ótkir qabyǵy shomylyp júrgen adamdardyń aıaqtaryn jaralap, kúıdirip jibergendeı áser qaldyrady.

Geteborg ýnıversıtetiniń teńiz ekologııasy professory Mats Lındegarttyń aıtýynsha, Eýropaǵa ákelingen bul ýstrıtsa, eń yqtımal boljam boıynsha, teńiz aǵyndary arqyly taralyp, jańa aımaqtardy tańǵalarlyq jyldamdyqpen basyp alyp jatyr. Ǵalymdar bul túr Baltyq teńizine de enip ketýi múmkin dep alańdaýly, degenmen ázirge ondaı jaǵdaı tirkelmegen.

Mamandar bógde túrlerdiń paıda bolýy ekojúıege kútpegen áserler týdyryp, jergilikti aǵzalardy yǵystyryp shyǵaryp, túrli aýrýlardyń taralýyna sebep bolýy múmkin ekenin eskertip keledi.

Osydan buryn habarlanǵandaı, Shvetsııada tas kúzenin joıý operatsııasy bastaldy.