Japondarda aýa raıyn «boljaıtyn» qolshatyr bar
ASTANA. QazAqparat - Kúndelikti úıden shyqpas buryn kóbimizdi «búgin jaýyn jaýar ma eken» degen suraq mazalaıdy. Al Japonııadaǵy kompanııalardyń biri kún raıyn boljap beretin «aqyldy» qolshatyr oılap taýypty.
Jonas dep atalatyn bul ınnovatsııalyq ónim arnaıy baǵdarlama arqyly smartfonǵa qosyla alady. Bul qolshatyrdyń kómegimen tek aýa raıy týraly bilip ǵana qoımaı, telefondy bólmede jatqan jerinen taýyp ala alasyz. Tek qolshatyrdy silkileseńiz boldy: smartfonnyń vıbratsııasy ózdiginen iske qosylady. Qolshatyr batareıalardyń kómegimen jumys jasaıdy, dep habarlaıdy 24.kz planet-today.ru.-ǵa silteme jasap.
