Japondar Olımpıada medaldaryn kompıýter qaldyqtarynan jasamaq
ASTANA. QazAqparat - 2020 jylǵy jazǵy Olımpıada oıyndarynyń medalin japondar kompıýter jáne smartfon qaldyqtarynan jasaýdy josparlap otyr, dep jazady massaget.kz.
Jarysty uıymdastyrýshylar qolǵa alǵan jobany Halyqaralyq Olımpıada komıteti (HOK) qoldaıdy degen senimde. Qańtar aıynyń sońyna qaraı «kúnshyǵys eli» medaldardyń dızaıny men kólemin, neden jasalǵanyn, qandaı tanymbelgiler qoıylatynyn resmı túrde tanystyrady. Sodan keıin HOK qaraýyna jiberilip, resmı ruqsatyn kútetin bolady.
Japondar jaramsyz kompıýter men smartfonnyń ishki bóligindegi qaldyqtaryn medal jasaýǵa tıimdi sanap otyr. Sondaı-aq, HOK-tyń Olımpıada medaldaryna qoıylatyn talaptaryna da sáıkes keledi dep topshylaýda. Negizinen Olımpıada medaldarynyń dıametri 60 mm-den, qalyńdyǵy 3 mm-den kem bolmaýy tıis. Altyn medaldyń quramyndaǵy altyn 6 grammnan, kúmis medal kem degende 925-synamaly kúmisten jasalýy tıis.
