Japondar kompıýterdiń aldynda uzaq otyratyn adamdar úshin kózildirikter jasap shyǵardy
ASTANA. 13 jeltoqsan. QazAqparat - Japon kompanııasynyń mamandary adamdarǵa kózdi demaldyratyn kózildirikter jasap shyǵardy. Jasap shyǵarǵandar jańa ónimniń kompıýterdiń aldynda uzaq otyratyn adamdarǵa paıdasy bar eken aıtyp sendirýde, dep jazady Rosbalt.
Kózildirik shyny arqyly ótetin álsiz elektr toǵyn ótkizetin yqsham batareıamen jabdyqtalǵan. Oǵan mamandar toqtyń áserimen móldirligin saqtaıtyn suıyq krıstaldardy ornalastyrǵan.
On sekýndta bir ret elektr ótkizý toqtatylady, nátıjesinde kózildirik áınekteri óte az ýaqytqa - 0,1 sekýndtan 0,2 sekýndqa deıin tumandanady. Ádettegi jypylyqtaý sekildi bul kózildirik ıesine baıqalmaı qalady, biraq bul kezde onyń kórý qabileti qajetti deńgeıde demalady.
Bundaı biregeı kózildirikti jasap shyǵarýǵa kóp jyldyq zertteýler nátıjesi sebep boldy. Kompanııada jasap shyǵarylǵan ónim, bárinen buryn qyzmetkerleri kúni-túni kompıýter ekranynyń aldynda otyratyn kompanııalardyń úlken qyzyǵýshylyǵyn týdyrǵany atap aıtyldy.
