Japon premer-mınıstri tez arada AQSh-qa baryp, tarıfterdi talqylaýdy kózdep otyr

ASTANA. KAZINFORM – Japonııa premer-mınıstri Sıgerý Icıba prezıdent Donald Trampqa Tokıonyń tarıfterge qatysty ustanymyn jetkizý úshin jaqyn arada Amerıka Qurama Shtattaryna barýǵa daıyn. Bul týraly Japonııa úkimetiniń basshysy parlamenttiń bıýdjet komıssııasynda depýtattardyń suraqtaryna jaýap berý kezinde aıtty, dep jazady Report.

– Biz Amerıkamen únemi ártúrli deńgeıde kelissózder júrgizip jatyrmyz. Qajet bolsa, men AQSh prezıdenti Donald Tramppen jeke kelissózder júrgizemin, biraq bul másele boıynsha áli eshteńe sheshilgen joq, – dep atap ótti ol.

Isıba AQSh-qa «tezirek» barýǵa daıyn ekenin aıtty.

Icıba sondaı-aq Japonııanyń artyq salyqtan bosatylmaǵanyna taǵy da ókinish bildirdi jáne el bıligi Amerıka tarapyn kóndirýdi jalǵastyrady dep ýáde berdi. Premer-mınıstr Japonııa Amerıka Qurama Shtattarymen saýdada «alalyq jasamaıdy» jáne bul ustanym Amerıka Qurama Shtattaryna anyq jetkizilýi kerek dep qosty.

Buǵan deıin Japonııa AQSh-tan bolat pen alıýmınıı tarıfterinen bosatýdy suraǵan bolatyn.