Japon qyzy Serına Sýnagava qazaqtyń saltyna sáıkes Elbasyǵa sálem saldy
«Men japon qyzymyn, qazaqtyń kelinimin. «Astana Operanyń» solısimin. Jalpy qazaq pen japon uqsas halyqtar. Men qazaqtyń saltymen, japonnyń dástúrimen Sizge sálem salamyn», - dep ıilip sálem saldy Serına Sýnagava kezdesý barysynda.
Elbasy buǵan rızashylyǵyn bildirip: «Baqytty bol», - dedi. «Men balalyq shaǵymdy Okınava aralynda ótkizgenmin. Ol jerde qar bolmaıdy, qystyń ózinde jyly. Sondyqtan da men buryn dalada qaqaǵan aıazda ártister qalaı teatrǵa bıleýge barady dep oılaýshy edim. Qazir men teatrǵa asa yntazarlyqpen, kóterińki kóńil-kúımen baramyn, aýa raıynyń qolaısyzdyǵyna qaramastan. Óıtkeni, «Astana Opera» meniń armanym bolatyn. Men jas kúnimde armandaǵannyń barlyǵy Astana Opera» teatrynda qamtylǵan. Men baqyttymyn. Men osy úshin óner adamy retinde Sizge alǵysymdy jetkizgim keledi», - dedi Serına Sýnagava.
Aıta keteıik, Serına Sýganava «Astana Opera» teatrynyń balerınasy. 2005-2013 jyldar aralyǵynda Astanadaǵy K.Baıseıitova atyndaǵy Ulttyq opera jáne balet teatrynda eńbek etti. 2013 jyldan «Astana Opera» teatrynda. Operalyq ártis Súndet Baıǵojınge turmysqa shyqqan. Qazir olardyń otbasynda Sánııa atty qyz ósip keledi.
«Astana Opera» sekildi teatrda óner kórsetý meniń armanym bolǵan edi. Qazir osy armanym oryndaldy. Osy úshin Sizge úlken alǵysymdy aıtqym keledi», - dedi qazaqtyń kelini.