Japon konkıshisi Hozýmı Masako - 7-Qysqy Azııada oıyndarynyń chempıony
ASTANA. 5 aqpan. QazAqparat /Marlan Jıembaı/ - Aq Azıada jarysynda Hozýmı Masako Japon qorjynyna taǵy bir altyn saldy. Ol konkımen júgirý jarysynda 5000 metrlik qashyqtyqty 7 mınýt 09,23 sekýndta baǵyndyryp, Azıada chempıony atandy.
Búgin elordadaǵy Konkımen júgirý stadıonynda ótken áıelder arasyndaǵy 5000 metrlik jarysta japon qyzy Hozýmı Masako chempıon atansa, odan 6,40 sekýndqa tómen nátıje kórsetken ońtústikkoreıalyq Doıong Park qola júldeni enshiledi. Al júlde úshtikti qorytyndylaǵan taǵy bir japondyq sportshy Erıko Ishımonyń nátıjesi - 7 mınýt 16,64 sekýnd.
Ókinishke qaraı, Qazaqstan namysyn qorǵaǵan Elena Ýrvantseva 5000 metrlik qashyqtyqty 8 mınýt 03,16 sekýndta baǵyndyryp 7-orynǵa turaqtady.
Sanaýly ýaqyttardan keıin osy stadıonda erler arasynda 10 000 metrge júgirýden jarys bastalady. Onda Qazaqstan namysyn Dmıtrıı Babenko qorǵaıdy.
