Japon kompanııalary Qazaqstan naryǵyna shyǵýǵa múddeli
ASTANA. KAZINFORM — Japon kompanııalary Astanada Tokıo gýbernatorynyń qatysýymen dekarbonızatsııa jáne ekologııalyq sheshimder tehnologııalaryn tanystyrdy.
Qazaqstannyń Syrtqy saýda palatasy tóraǵasy Murat Qarymsaqovtyń aıtýynsha, Japonııanyń jetekshi kompanııalary qatysqan pıtch-sessııa Tokıo gýbernatory ıÝrıko Koıkeniń Astanaǵa sapary aıasynda uıymdastyryldy.
Bul — ozyq ázirlemeleri bar jetekshi kompanııalar jáne sońǵy ýaqytta japon bıznesi Qazaqstanǵa qyzyǵýshylyqty arttyra túsken.
— Ózderińiz bilesizder, Japonııada ozyq tehnologııalar bar, olardy Qazaqstanda qoldaný óte ózekti bolyp otyr dep oılaımyn. Jalpy, qazir japon bıznesi men japon ókilderi Qazaqstanǵa úlken qyzyǵýshylyq tanytyp otyr. Sonymen birge, Qazaqstan-Japonııa ekonomıkalyq yntymaqtastyq komıteti de belsendi jumys júrgizýde. 2026 jyldyń ózine birqatar is-shara josparlanǵan. Bıyl jetekshi qazaqstandyq jáne japon kompanııalary qatysatyn komıtettiń kezekti otyrysy ótedi, — dedi Murat Qarymsaqov.
Pıtch-sessııada Japonııanyń Aeronext Inc., SAKIGAKE JAPAN Corporation, ZEPHYR CORPORATION, SORAMITSU CBDC jáne Revo International Inc. kompanııalary dron tehnologııalary, kún jáne jel energetıkasy, kómirtekti kredıtter jáne bıoenergetıka salalaryndaǵy zamanaýı sheshimderin tanystyrdy.
Qatysýshylar atalǵan tehnologııalardy Qazaqstan naryǵyna engizý áleýetin, sondaı-aq Qazaqstan men Japonııa arasyndaǵy saýda-ekonomıkalyq jáne ınvestıtsııalyq yntymaqtastyqty odan ári keńeıtý múmkindikterin talqylady.
Buǵan deıin Memleket basshysy Qasym-Jomart Toqaev Tokıo gýbernatory ıÝrıko Koıkeni qabyldaǵan edi. Onyń sapary Qazaqstan men Japonııa arasyndaǵy keńeıtilgen strategııalyq seriktestiktiń ornaǵanyna 10 jyl tolýy qarsańynda ótip jatyr.
Sonymen birge, Prezıdent ıÝrıko Koıkeni І dárejeli «Dostyq» ordenimen marapattady.
