Japon ımperatorynyń taqqa otyrýyna arnalǵan parad keıinge qaldyrylýy múmkin
NUR-SULTAN. QazAqparat - Japonııa ımperatory Narýhıtonyń taqqa otyrýyna oraı 22 qazanda ótýi tıis saltanatty parad taıfýn saldarynan basqa kúnge kóshirilýi múmkin, dep habarlaıdy QazAqparat NHK telearnasyna silteme jasap.
Telearnanyń habarlaýynsha, qazir Japonııa úkimeti osy máseleni talqylap jatyr. Qaı kúnge kóshirilýi múmkin ekendigi týraly ázirge habar joq.
Eske salaıyq, Japonııaǵa senbi kúni jetken «Hagıbıs» taıfýny elge zor shyǵyn keltirgen bolatyn.
Al búgingi derekter boıynsha, tabıǵattyń tosyn minezinen opat bolǵandar sany 77-ge jetken.
Aıta keteıik, buryn Japonııa úkimeti eldiń jańa ımperatory Narýhıtonyń taqqa otyrýyna baılanysty sotty bolǵan 550 myń adamǵa raqymshylyq jarııalaýdy kózdep otyrǵanyn habarlaǵan bolatynbyz.
Imperator Narýhıto bıyl 1 mamyrda taqqa otyrǵan. Sol kezde oǵan memlekettiń bas móri men ımperator móri, memlekettik sımvoldar tapsyrylǵan.
Biraq jańa ımperatordyń taqqa otyrýyna baılanysty basty saltanattar 22 qazanǵa belgilengen, sondaı-aq qarasha aıynda da jalǵasýy tıis.
Foto: AP Photo/Eugene Hoshiko
