Japon ıeniniń dollarǵa shaqqandaǵy quny quldyrap bara jatyr

ASTANA. KAZINFORM — Japonııa Qarjy mınıstrliginiń ókili japon ıeni baǵamyndaǵy qubylýlar birjaqty sıpatqa ıe ekenin aıtyp, shamadan tys aýytqýlarǵa jaýap qatylatynyn málimdedi. Bul týraly Kyodo jazdy.

Japonııa Qarjy mınıstrliginiń joǵary laýazymdy sheneýnigi dúısenbi kúni japon ıeni baǵamyndaǵy sońǵy ózgeristerdiń jyldam ári birjaqty bolyp otyrǵanyn atap ótip, el bıligi valıýtanyń shamadan tys qubylmalylyǵyna tıisti túrde áreket etetinin aıtty.

Japon ıeniniń AQSh dollaryna shaqqandaǵy baǵymynyń álsireýin Japonııa Banki juma kúni negizgi paıyzdyq mólsherlemeni sońǵy 30 jyldaǵy eń joǵary deńgeıge kótergennen keıin de jalǵastyrdy.

Juma kúni Nıý-Iorktegi saýda barysynda dollar baǵamy bir aıdaǵy eń joǵary deńgeıge jetip, 1 dollar 157,78 ıenge deıin kóterildi. Tańǵy saǵat 9:00–de amerıkalyq valıýtanyń baǵamy 157,63–157,65 ıen deńgeıinde boldy.

Eske  sala ketsek, Japonııa apattan zardap shekken Shrı-Lankaǵa 2,5 mln dollar shuǵyl kómek beretinin jazdyq.