Japon ıeni 18 aılyq mınımýmyn jańartty

ASTANA. KAZINFORM — Seısenbi kúni parlamenttiń tómengi palatasynyń taratylýy múmkin degen qaýesetter aıasynda ıenniń AQSh dollaryna shaqqandaǵy baǵamy 158-ge deıin tómendep, 2024 jyldyń shildesinen beri eń tómengi kórsetkishke jetti.

Japon valıýtasynyń eýroǵa qatysty baǵamy da shamamen 185 dollarǵa deıin tómendegen. Bul 1999 jyly biryńǵaı eýropalyq valıýta engizilgennen bergi eń tómengi deńgeı.

Naryqtaǵy jaǵdaı Japonııanyń qarjylyq jaǵdaıynyń odan ári nasharlaýyna qatysty alańdaýshylyqtyń artýynan qysymǵa ushyrap otyr, sebebi bıleýshi bloktyń saılaýdaǵy yqtımal jeńisi úkimet shyǵyndaryn arttyrýy múmkin.

Kyodo agenttiginiń habarlaýynsha, Japonııa premer-mınıstri Sanae Takaıchı bıleýshi partııanyń joǵary laýazymdy sheneýnigine merziminen buryn jalpy saılaý ótkizý úshin Ókilder palatasyn taratýǵa nıetti ekenin habarlady. 

Japonııa úkimetiniń 10 jyldyq negizgi oblıgatsııalarynyń kiristiligi 1999 jyldyń aqpan aıynan beri eń joǵary deńgeıge jetti. Oblıgatsııalardyń kiristiligi baǵalarǵa keri proportsıonal ózgerip otyr. 

Jeltoqsan aıynda japon ıeniniń dollarǵa shaqqandaǵy quny quldyrap bara jatqanyn jazǵan bolatynbyz. 

Sondaı-aq Japonııanyń mınıstrler kabıneti jeltoqsan aıynda 2026 qarjy jylyna arnalǵan rekordtyq aldyn ala bıýdjet jobasyn bekitkenin, ol 122,31 trln ıen (783 mlrd dollar) quraıtynyn jazdyq.