Japon gazetinde Qazaqstandaǵy Naýryz týraly maqala shyqty

 ASTANA. QazAqparat - Tokıodaǵy «Japonııa jáne Eýrazııa» gazetiniń kezekti sanynda japontanýshy, jýrnalıst Sharafat Jylqybaevanyń Uly meıram - Naýryz týraly maqalasy jaryq kórdi, dep habarlaıdy QazAqparat «Egemen Qazaqstan» gazetine silteme jasap.

«Qazaqstannan hat-habar» aıdarymen jarııalanǵan maqalada Ortalyq Azııa turǵyndary asyǵa kútetin Naýryz merekesiniń mán-maǵynasy jáne Qazaqstan Respýblıkasynda onyń qalaı toılaıtyny jazylǵan. Maqalada Shyǵys halyqtary úshin asa mańyzdy mereke - Naýryz kelgende ejelgi ǵun zamanyndaǵy kóshpendiler erte turyp, Kúndi qarsy alǵandyǵy týraly aıtylady.

«Kóktemdi qarsy alǵanda Ortalyq Azııa halyqtary aǵash egip, bulaq kózin ashady» deı kele avtor, Naýryzdyń qazaq tanymymen baılanysyn baıandaıdy. Sonymen qatar, maqalada qazirgi zamandaǵy naýryz aıshyqtaryn da sýrettegen. Mereke kúni Astana, Almaty shaharlarynda Elbasy men qala basshylarynyń quttyqtaý sózimen ashylatyn Naýryz meıramynyń toılanýy týraly jazylǵan.

Maqalanyń «Taý baýraıyndaǵy Jambyl aýylynda» degen bóliminde 2009 jyly bir top japon azamattarynyń Jetisý jerindegi Jambyl aýylynda qonaqta bolyp, anasynyń qolynan naýryz kójeden dám tatqanyn esine alǵan jýrnalıst naýryz kóje dáminiń ereksheligi men pisirý ádisterine toqtalady. Jýrnalıst Qazaq eli Uly meıramǵa arnalǵan naýryz kójeni birlik pen berekeniń sımvoly sanaıtynyn, Naýryz kúni eshkimdi alalamaı, dastarqannan ár adam dám tatý kerektigin aıtqan.