Japon ǵalymdary temeki shegetinderde koronavırýs juqtyrý qaýpi 1,5-2 ese joǵary ekenin anyqtady

TOKIO. QazAqparat - Japonııanyń Halyqaralyq densaýlyq saqtaý ulttyq ǵylymı ortalyǵynyń zertteýshileri jasandy tynys alý apparatyn qajet etetin jańa koronavırýsty juqtyrýdyń aýyr zardaptarynyń qaýpi temeki shegýmen aýyratyn erlerde 1,51 ese jáne áıelderde 1,94 ese joǵary ekenin anyqtady. Bul týraly QazAqparat NHK telearnasyna silteme jasap habarlaıdy.

Ǵalymdar 2021 jyldyń aqpanyna deıin Japonııada aýrýhanaǵa jatqyzylǵan 20 men 80 jas aralyǵyndaǵy 17,6 myńǵa jýyq indet juqtyrǵandardyń derekterine taldaý jasady.

Japondyq sarapshylardyń pikirinshe, temeki shegý júrek pen ókpege áser etedi, sonymen qatar sozylmaly aýrýlarǵa ákeledi, sondyqtan temeki shegýshiler ınfektsııanyń aýyr zardaptaryna kóbirek ushyraıdy.