Japon ǵalymdary qardan elektr energııasyn almaqshy

TOKIO. QazAqparat – Aomorı qalasynyń bıligi elektr energııasyn alý úshin qar qoldanbaqshy. Pılottyq jobada týrbına qar erigen kezde alynǵan suıyqtyq pen aýa arasyndaǵy temperatýra aıyrmashylyǵymen qozǵalady, dep habarlaıdy QazAqparat Kyodo agenttigine silteme jasap.

Osy maqsatta qardy arnaıy oqshaýlanǵan burynǵy mektep basseıninde jınap, keıin qorshaǵan aýanyń jylýymen býlanyp, erigen kezde alynǵan suıyqtyq týrbınany qozǵalysqa keltiredi.

Bul joba jergilikti IT-kompanııanyń Tokıo elektrokommýnıkatsııa ýnıversıtetimen yntymaqtastyǵy aıasynda paıda boldy.

Aomorı Japonııanyń soltústik bóligindegi qala, ár qysta qar kóp jaýady, onyń saldaryn joıý úshin jergilikti bılik kóp aqsha jumsaıdy.

Qala kóshelerindegi tazartylǵan qar massalary buryn teńizge tógilgen.

Endi jergilikti bılik jınalǵan qardan paıda tabýǵa tyrysyp jatyr - mysaly, elektr energııasyn alý úshin tabıǵı eritý protsesterin qoldanýda.

Týrbınanyń ónimdiligin arttyratyn temperatýranyń úlken aıyrmashylyǵyn alý úshin mamandar bolashaqta jergilikti ystyq bulaqtardyń tabıǵı jylýyn jáne jerdiń jylýyn paıdalanýdy josparlap otyr.

Eksperıment oń nátıje kórsetse, olar qardy qaıta óńdeýge negizdelgen jańa salanyń paıda bolýyna úmittenip otyr.

Foto: english.kyodonews.net