Japon ǵalymdary egeýquıryqtyń arqasyna adam qulaǵyn ósirip shyǵardy
ASTANA. QazAqparat - Japon ǵalymdary tájirıbe jasap, egeýquıryqtyń arqasyna adam qulaǵyn ósirip shyǵardy. Sátti eksperımentten keıin zertteýshiler bes jyl ishinde mundaı tehnologııany adamzat ıgiligi úshin paıdalanýǵa bolatynyn málimdedi. Ǵylymı qyzmetkerlerdiń aıtýynsha, bul bet álpetiniń damýynda aýytqýshylyq bar nemese qandaı da bir jazataıym oqıǵadan na apattan zardap shekken adamdarǵa járdemdesedi.
Qazirgi ýaqytta adam qulaǵy qajet bolǵan jaǵdaıda, patsıenttiń qabyrǵasynan alynatyn shemirshekten ósiriledi. Bul úlken eńbekti qajet etetin ota. Shemirshekti alýdyń ózi ońaı sharýa emes. Odan keıin shemirshek alynǵan orynnyń qalpyna kelýi óte baıaý úrdis. Tipti tolyqtaı jazylmaýy da múmkin.
Japon tehnologııasy shamaly jasýsha mólsherin ǵana talap etedi. Qulaqty ósirý úshin ǵalymdar shemirshek jasýshasynda plıýrıpotentti baǵanalyq jasýsha qalyptastyrdy. Odan keıin tiri ósken qulaqty ımplantatsııalaýǵa bolady.
