Japon ǵalymdary aǵash kesýshi robot jasap shyǵardy
ASTANA. QazAqparat - Japonııada Gıfý ýnıversıtetiniń jáne Marutomi Seiko kompanııasynyń ǵalymdary orman aǵashtaryn kesetin robot jasap shyǵardy. Onyń basty mindetine aǵash dińgegi boıymen boılap, butalardy qyrqý jumystary jatady, dep habarlaıdy IEEE Spectrum.
Jasaqtaýshylardyń málimdemesine qaraǵanda, robot energoúnemdegish shynjyr aramen jabdyqtalǵan jáne aǵash dińgeginiń qalyńdyǵyn dál anyqtaı alady. Robot aǵash kesýshi adamdardyń qalyń butalardy shabý jumysynan aryltady dep josparlanýda. Sebebi bul jumys eń qaýiptilerdiń sanatyna jatady.
Robottyń salmaǵy 13 keli tartady. Onyń jyldamdyǵy mınýtyna 25 santımetrdi quraıdy. Qazirgi ýaqytta robottyń jumysyn synaqtan ótkizý sharalary ótkizilip bolǵan. Degenmen qurylǵy orman jaǵdaıynda qoldanylyp kórgen emes. Robot alǵash ret 2013 jyly IEEE ICMA halyqaralyq kórmesinde usynyldy.
