Japon ǵalymdary adamdy aryqtatatyn dári jasap jatyr
ASTANA. QazAqparat - Okınava ǵylym jáne tehnologııa ınstıtýtynyń ǵalymdary semirý genderine qysym túsirý arqyly qalaǵansha tamaq jep, biraq symbattylyqty saqtap qalýǵa bolatynyn dáleldedi.
Semizdik - adam densaýlyǵyna keri áser etetini barshaǵa málim: qan qysymy artady, júrek aýrýlary paıda bolady, obyr paıda bolady jáne bul eń bastylary ǵana. Dárigerler qazirge deıin semizdikten qutylýdyń biregeı tásilin oılap tapqan joq, sondyqtan tek qana tamaqtaný tártibin retke keltirý arqyly ári sportpen shuǵyldaný arqyly dene symbatyn saqtaýǵa bolady.
Akınorı Takahashı esimdi ǵalym áriptesterimen birge semizdik syryn genetıkalyq deńgeıde zerttep kórdi. Jumys barysynda olar molekýlıarlyq mehanızmderdiń biri maıdyń jınalýy jáne joıylýyna jaýapty ekendigin tapty.
Eksperımentter tyshqandarǵa júrgizildi. Olar Cnot7 jáne Tob genderiniń jetimsizdigi kezinde qansha tamaq ishse de semirmegen. Mamandar semizdik geninen qysym túsiretin dári jasaýdy qolǵa aldy. Bul adamdardy semizdikten qutqarady degen boljam bar, dep jazady sheteldik BAQ.
Foto: sibdepo, ob etom peredaet rsute.ru.ru
