Japon ǵalymdary adam ómirin uzartatyn azyqty atady
ASTANA. QazAqparat - Japonııa Densaýlyq saqtaý jáne taǵamtaný ulttyq ınstıtýtynyń mamandary balyqtan jasalatyn taǵamdardy adam ómirin uzartýǵa sebep bolatyn birden bir azyq dep atady. Bul týraly RBK saıty jazady.
Mamandardyń aıtýynsha, balyq ónimderi - adam densaýlyǵyna jáne kóńil kúıdiń jaqsy bolýyna áseri mol, paıdaly azyq.
Muny dáleldeý úshin ǵalymdar egde jastaǵy 100 er men áıeldi arnaıy tájirıbe jumystaryna qatystyrǵan. Olardyń barlyǵy salaýatty ómir saltyn ustanatyndyqtary jáne kúndelikti tutynatyn azyq-túlikteri týraly daıyndalǵan suraqtarǵa jaýap bergen.
Arnaıy synaq nátıjesi boıynsha olardyń ishinde 40 paıyzy balyq ónimderin tutynatynyn aıtqan. Baqylaı kele sol adamdardyń psıhıkalyq jáne fızıkalyq turǵyda turaqty ári, myqtylyǵy anyqtalǵan. Qortyndysynda, mamandar aqýyzdyń adam ómiriniń uzarýyna sebep bolyp, adam aǵzasyna qýat beretinine taǵy bir márte kóz jetkizgen.
