Japon bırjasy quldyrady: Toyota, Nissan jáne Honda
ASTANA. Tamyzdyń 4-i. QazAqparat - Tokıo qor bırjasyndaǵy búgingi saýda baǵa belgileniminiń (kotırovka) quldyraýymen aıaqtaldy. Japonııanyń 225 jetekshi kompanııasynyń aktsııalarynyń ortasha baǵasyn kórsetetin NIKKEI ındeksi 2,1 paıyzǵa tómendep, 9,489 baǵamyna turaqtady.
Eń qatty zardap shekkender Toyota, Nissan, Honda avtoóndirýshileri men Sony elektronıka óndirýshisi, dep habarlaıdy RBK agenttigi.
Qundy qaǵazdar baǵamynyń quldyraýyna AQSh-tan jetken jaısyz jańalyqtar sebep bolýy múmkin. Atalǵan kompanııalardyń kútilgennen tómen nátıjege qol jetkizgenderi týraly esepteri jarııalanǵannan keıin, keshe Qurama Shtattarda kompanııalardyń negizgi kórsetkishteri quldyrap ketti.
