Japon balet mektebiniń oqýshylary Qazaq ulttyq horeografııa akademııasynda dáris aldy
ASTANA. KAZINFORM — Qazaq ulttyq horeografııa akademııasynda japondyq balet mektebiniń oqýshylaryna arnalǵan sheberlik saǵaty ótti. Yoshiko Takagi Ballet School delegatsııasy quramynda 23 oqýshy jáne 3 pedagog boldy. Olar jyl saıyn Akademııa bazasynda ótetin kúzgi mektep baǵdarlamasyna qatysty. Bul týraly Mádenıet jáne aqparat mınıstrligi málim etti.
Baǵdarlama aıasynda qonaqtarǵa klassıkalyq jáne ulttyq-sahnalyq bı boıynsha sheberlik saǵattapy uıymdastyryldy. Sonymen qatar qatysýshylar el mádenıetimen, elorda sáýletimen tanysyp, Astananyń kórikti jerlerin aralady.
Japon balet mektebiniń ókilderi qazaqstandyq balet mektebiniń kásibı deńgeıin joǵary baǵalap, Akademııanyń halyqaralyq yntymaqtastyqqa ashyq ekenin jáne horeografııa ónerin damytýǵa qosyp otyrǵan mańyzdy úlesin atap ótti.
Eske sala keteıik, buǵan deıin Qazaq ulttyq horeografııa akademııasynyń stýdentteri halyqaralyq baıqaýda jeńiske jetkenin jazdyq.