Japon apatyna qaramastan atom energetıkasynyń róli arta túsedi - S. Qojahmetov

Búgin Astanada ótip jatqan Birinshi Qazaqstandyq Halyqaralyq Ónerkásiptik Innovatsııalyq Forým sheńberinde uıymdastyrylǵan «Qazaqstandaǵy atom salasynyń jaǵdaıy jáne onyń damý perspektıvalary» atty halyqaralyq konferentsııada «Joǵary tehnologııalar ınstıtýty» JShS-niń Bas dırektory Serik Qojahmetov osylaı málim etti.

«Naqty jaǵdaımen saralasaq, ýran naryǵyndaǵy uzaqmerzimdi konıýktýrada esh ózgeris kútilmeıdi. Óıtkeni, búgingi tańda atom energetıkasynyń róli de máni de asa joǵary qalypta tur. Álemniń birqatar damyǵan elderindegi osy salanyń damýyna jalpy ekonomıkalyq damýy da baılaýly tur. Sondyqtan da, Japonııada oryn alǵan máseleler tereń ári muqııat zerdelenedi. Dese de, bundaı zerdeleýde negizinen atom energetıkasynan bas tartý jaǵy emes, kerisinshe osy stansalardyń senimdiligin, qaýipsizdigin arttyrý máselesi birinshi orynǵa shyǵatyn bolady», - dedi S. Qojahmetov.