Japarov Qyrǵyzstan Mınıstrler kabıneti eks-tóraǵasynyń otstavkaǵa ketý sebebin atady

ASTANA.KAZINFORM — Qyrǵyzstan prezıdenti Sadyr Japarov 16 jeltoqsanǵa deıin Mınıstrler kabınetiniń tóraǵasy qyzmetin atqarǵan Aqylbek Japarovtyń otstavkaǵa ketýine qatysty pikir bildirdi.

Qyrǵyzstan basshysy Aqylbek Japarovtyń Mınıstrler kabınetiniń jetistikterine qosqan zor úlesin atap ótip, onyń ketýin saıasılandyrmaýdy ótindi.

— Búginde salyq júıesinde birqatar keleńsiz kórinister bar, al ol bıýdjetti tolyqtyrady. Belgili bolǵandaı, aktsızdik markalar boıynsha barlyq alaıaqtyq faktilerine qatysty tergeý júrip jatyr. Salyq salasy tikeleı Aqylbek Japarovtyń baqylaýynda boldy. Bul zańsyz áreketterdi erterek toqtatýǵa bolatyn edi. Jeke múddelerdi qýzamaý úshin men ony qyzmetinen bosatýǵa májbúr boldym, — dedi prezıdent.

Esterińizge sala keteıik, 16 jeltoqsanda Qyrǵyzstan Mınıstrler kabınetiniń tóraǵasy Aqylbek Japarov otstavkaǵa ketken bolatyn. Keıin el basshylyǵynyń úkimet basshysyn rotatsııalaý týraly sheshimine Qyrǵyz Respýblıkasy Mınıstrler kabıneti basshysynyń orynbasary Edil Baısalov túsinik berdi. 18 jeltoqsanda Qyrǵyz Respýblıkasy Prezıdentiniń jarlyǵymen Adylbek Qasymalıev Mınıstrler Kabınetiniń jańa tóraǵasy — Prezıdent Ákimshiliginiń Basshysy bolyp taǵaıyndaldy.