Japa shekken týrısterge arnaıy qor qurý usynyldy
ASTANA. QazAqparat - QR Indýstrııa jáne jańa tehnologııalar mınıstrligi Týrızm ındýstrııasy komıteti Qazaqstanda týroperatorlardyń bankrottyǵynan japa shekken týrısterge arnaıy qor qurýdy usyndy.
«Gúlnár týr» oqıǵasyna uqsas jaǵdaılardan otandyq týrısterdi saqtandyrý maqsatynda reseılik tájirıbege súıenýdi usynamyz. Reseıde týrısterge shuǵyl kómek kórsetetin «Týrpomoş» týroperatorlardyń kommertsııalyq emes birlestigi qurylǵan. Onyń janynan rezervtik qor jasaqtaldy. Sonyń kómegimen olar bankrottyqqa ushyraǵan nemese týrısttik kelisimshartty durys jasamaýdan týyndaǵan keleńisizdikter barysynda týrısterdiń qonaqúıge jatqyzýǵa jáne elge oralýyna qajetti shyǵyndarǵa jumsalyp otyrady», - dep jazady komıtet «QazAqparat» HAA-niń resmı saýalyna bergen jaýabynda.
Eske sala keteıik, Qazaqstannyń eń iri týroperatorlarynyń biri «Gúlnár týr» aınalasyndaǵy daý-damaı shilde aıynyń basynda týǵan bolatyn. Kompanııanyń bankrotqa ushyraýy saldarynan bir myńnan astam qazaqstandyq Túrkııadan elge orala almaı qaldy. Aıdyń orta tusynda memorgandardyń, áýekompanııalarynyń jáne birqatar týroperatorlardyń úılesimdi jumysynyń arqasynda barlyq azamattar elge jetkizildi. Komıtettiń málim etkenindeı, týrısterdi qaıtarý kezinde memlekettik qarajat jumsalmaǵan.
Qazirgi ýaqytta ІІM týrıstik kompanııaǵa qatysty qylmystyq is qozǵady. QR Indýstrııa jáne jańa tehnologııalar mınıstrligi sotqa ony lıtsenzııasynan aıyrý jóninde shaǵym tastady.
