JAP: Úkimettiń tym optımıstik boljamdary bolashaqtyń salyq bazasyn sarqıdy
ASTANA. KAZINFORM — Májiliste Úkimetpen Joǵary aýdıtorlyq palatanyń 2025 jylǵy respýblıkalyq bıýdjettiń atqarylýy týraly esepteri qaralyp jatyr.
Joǵary aýdıtorlyq palata múshesi ıÝlııa Engel byltyr Úkimet salyq túsimderin boljaýda «tym optımıst» bolyp ketkenin atap ótti.
— Transfertterdi qospaǵanda, 335,3 mlrd teńgeniń kirisi oryndalǵan joq. Buǵan salyq túsimderi týraly tym optımıstik boljam da yqpal etti. Biz kiristerdi boljaý kezeńinde kiristerdi boljaý ádistemesinde joq parametrler men qosymsha túsimder qoldanylǵanyn eskertken bolatynbyz. Shamadan tys boljam bolashaqta salyq bazasynyń sarqylýyna ákeledi, — dedi JAP ókili.
Onyń sózinshe, byltyr shamamen 900 mlrd teńgeniń qosylǵan qun salyǵyn qaıtarý operatsııasy toqtatylǵan.
— Salyqty baqylaý sapasy men onyń tıimdiligi nasharlaǵan. 2025 jyly salyq esepteýlerine sot shaǵymdarynyń somasy 2 eseden astam ósken. Sońǵy 4 jylda shaǵymdanǵan somalardyń jartysynan astamy salyq tóleýshilerdiń paıdasyna sheshilgen, — dedi ıÝlııa Engel.
Buǵan deıin UEM kúzge deıin Salyq kodeksin jetildiretin normalardy ázirleıtinin jazǵan edik.
