JAP: Munaıdan túsken aqshanyń bir bóligi Ulttyq qorǵa jetpesten, bıýdjet tapshylyǵyn jabýǵa jumsalǵan
ASTANA. KAZINFORM — Joǵary aýdıtorlyq palata múshesi ıÝlııa Engel Ulttyq qorǵa túsim aýdaratyn munaı kásiporyndarynyń tizimi turaqsyz ekenin synady.
— Ulttyq qordyń aktıvteri 73,8 mlrd AQSh dollaryna ulǵaıǵandyǵy týraly derekter aıtyldy. Bul rette salyq túsimderiniń jospary 23%-ǵa oryndalmaǵanyn da aıtý kerek. Munaı sektoryndaǵy uıymdardan qarajattyń jetkilikti mólsherde túspeýi júıeli sıpat alyp ketti. Mundaı uıymdardyń tizimi turaqsyz ekenin JAP talaı aıtty, — dedi ol Májiliste.
ıÝlııa Engel Ulttyq qorǵa túspeı qalǵan bul qarajat tikeleı bıýdjet jyrtyǵyn jamaýǵa alynyp jatyr degen kúdik aıtty.
— Biz úshin bul Ulttyq qorǵa túsetin yqtımal túsimder esebinen respýblıkalyq bıýdjet tapshylyǵynyń bir bóligin jabýǵa baǵyttalǵan sheshimder ekeni aıqyn, — dedi JAP múshesi.
Aıta keteıik, Májiliste Úkimetpen Joǵary aýdıtorlyq palatanyń 2025 jylǵy respýblıkalyq bıýdjettiń atqarylýy týraly esepteri qaralyp jatyr.
