Janjal shyǵarǵan úndistandyq eki azamatty «Almaty - Delı» reısinen túsirip tastady
ASTANA. QazAqparat - Kólik polıtseıleri «Almaty - Delı» áýe reısinen Úndistannyń eki azamatyn túsirip tastady, dep habarlaıdy QazAqparat kóliktegi ІІD baspasóz qyzmetine silteme jasap.
«Almaty - Delı» áýe reısiniń bortynda eki jolaýshy tártip buzǵan týraly habarlanǵan. Olar 42 jastaǵy Úndistan azamattary bolyp shyqty.
Málimetke saı, sheteldikter alkogoldik ishimdikke mas bolyp, bylapyt sózder aıtqan. Eskertýge qulaq aspaı, ozbyrlyq tanytqan.
«Kólik polıtsııasynyń qyzmetkerleri mán-jaıdy anyqtaý úshin olardy áýe reısinen shyǵardy», - delingen habarlamada.
Medıtsınalyq kýálandyrýdyń qorytyndysyna sáıkes, tártip buzýshylar ortasha deńgeıde mas bolǵany anyqtaldy. Úndistan azamattaryna QR Ákimshilik kodeksiniń 1-bóligi 440-baby boıynsha olardyń árqaısysyna 5 AEK (12025 teńge) kóleminde aıyppul salyndy.
