Janyp jatqan páterden 72 jastaǵy áje men er adam qutqaryldy
PETROPAVL. QazAqparat - Petropavldaǵy kóp qabatty turǵyn úıde órt boldy, dep habarlaıdy «QazAqparat» HAA tilshisi.
SQO TJD aqparaty boıynsha, tańǵy saǵat 5-te Beıbitshilik kóshesindegi kóp qabatty turǵyn úıdiń 4-qabatynda órt shyqqany týraly habar túsken. Órt sóndirýshilerdi shaqyrǵan kórishelir páterde adamdardyń bolǵanyn aıtqan.
Qutqarýshylar 26 adamdy, 4 balany evakýatsııalaǵan. Janyp jatqan páterdiń esigin buzyp kirgen. Ol jerde 72 jastaǵy áıel men 44 jastaǵy er adam aýyr halde tabylǵan. Zardap shegýshiler aýrýhanaǵa jetkizildi.
«Órt saldarynan jıhazdar, jeke zattar janyp ketken. Jalyn 25 sharshy metr aýmaqty sharpyǵan. Onyń sebebi men zalaly anyqtalýda. Kórshi páterler zardap shekpegen. Órtti sóndirýge 3 tehnıka men 12 adam jumyldyryldy», - dep túsindirdi SQO TJD baspasóz qyzmeti.
