Januıa qurǵysy keletinderge arnaıy kýrs ashylady
ASTANA. QazAqparat - Saýd Arabııasynda otaý kóterip, otbasy qurǵysy keletin jastardyń mindetti oqý kýrsyn támamdaýy týraly zań qabyldanbaq, dep jazady muslim.kz.
Januıa qurǵysy keletinder jastarǵa túrli keńester men tájirıbelik nusqaýlar beriletin oqý kýrstary aldaǵy eki jyl aıasynda eldiń barlyq núktelerinde ashylatyn bolady.
Osy eldiń Ádilet mınıstrligine qarasty Neke máseleleri jónindegi úılestirýshi Fýad Djýgaımannyń málimdeýinshe, qazirgi kezde jańadan úılengenderge nemese januıa qurýǵa nıettengenderge otbasylyq ómirdiń qyzyq-shyjyǵy men qyr-syryn úıretip myńdaǵan nusqaýshylar daıyndalýda.
Fýad Djýgaıman bundaı daıyndyq kýrstarynyń ashylýy eldegi ajyrasý kórsetkishin tómendetetine senimdi. Suhbat barysynda ol januıa kýrsyn memlekettik baǵdarlama retinde qabyldaǵan Malaızııa memleketinde ajyrasý kórsetkishi 32%-dan 7 %-ǵa deıin tómendegenin alǵa tartty.
