Janýarlarǵa jaýapkershilikpen qaraý zańnamasyna qandaı ózgeris engizilmek
«Janýarlarǵa jaýapkershilikpen qaraý týraly» zań jobasyn maquldaý protsesinde QR ІІM qylmystyq jaýapkershilikti kúsheıtý boıynsha usynystar ázirledi. Qazirgi ýaqytta Qylmystyq kodekstiń 316-baby tym jumsaq. Sondyqtan ony qatańdatý qajet. Odan bólek, biz QR Qylmystyq kodeksiniń 313-babyn (Qatygezdik pen zorlyq-zombylyqty nasıhattaıtyn týyndylardy zańsyz taratý) qataıtý boıynsha usynystar engizdik. Ákimshilik quqyq buzýshylyq úshin jaýapkershilikti kúsheıtý, ıaǵnı QR ÁQBK 408-baby boıynsha aýyl sharýashylyǵynda mal jaıý erejelerin, ıt pen mysyqty asyraý jáne serýendetý erejelerin, qańǵybas ıtter men mysyqtardy aýlaý, joıý erejelerin buzǵany úshin jaýapkershilik engizý usynyldy», - dedi A. Óskembaev Ortalyq kommýnıkatsııalar qyzmetinde ótken brıfıngte.
Sonymen birge, Qylmystyq kodekstiń 313-baby boıynsha aıyppul túrindegi sanktsııany 2000 AEK-ten 5000 AEK-ke deıin ulǵaıtý usynylǵan. Qoǵamdyq jumystar 600 saǵattan 1000-ǵa deıin, shekteý nemese bas bostandyǵynan aıyrý – 2 jyldan 5 jylǵa deıin artýy múmkin. Qylmystyq jaýapkershilik jasyn 16 jastan 14 jasqa tómendetý usynylady.
«Qylmystyń ózi qylmystyq teris qylyq sanatynan ortasha aýyrlyqtaǵy qylmysqa aýystyrylady. QR ÁQBK-niń 408-baby boıynsha eskertý túrindegi jazany alyp tastaýdy jáne 408-baptyń 2-bóliginde aıyppuldy 10-nan 20 AEK-ke deıin ulǵaıtýdy usynamyz. Bul usynystardy QR ІІM Bas prokýratýraǵa engizdi jáne maquldandy. Bolashaqta jumys toptarynyń otyrystarynda qaralǵanda bul normalar óz ornyn tabady dep oılaımyn», - dedi A.Óskembaev.