Janýarlardyń súıeginen jasalǵan mototsıkl satylymǵa shyǵaryldy
ASTANA. QazAqparat - Florıda turǵyny janýarlar súıeginen jasalǵan mototsıkldi satylymǵa qoıdy. Bul kólik quraly 55 myń AQSh dollaryna baǵalanyp otyr.
Ókinishke qaraı, bul kólikpen jolǵa shyǵýǵa bolmaıdy, sebebi ol músin retinde bir jerde turý úshin ǵana jasalǵan. Rız Mýr esimdi azamat b uǵan deıin de osy tektes birneshe mototsıklderdi qurastyrǵan, olardyń keıbiri túrli qalalarda músin retinde qoıylǵan eken.
Amerıkandyq azamattyń aıtýynsha, ol 1990 jyldary súıekterden Helloýınge arnalǵan buıymdardy jasaýdan bastap, aqyr sońynda mototsıklderdi jasaýǵa bel býǵan. Sheteldik BAQ-tyń jazýynsha, ol osy kólikterdi qurastyrý úshin materıaldardy birneshe jyldar boıy jınapty.
