Janýarlardy qorǵaý salasyn durys baqylamaǵan sheneýnikke sógis jarııalandy
NUR-SULTAN. QazAqparat - Nur-Sultan qalalyq orta sapasy jáne baqylaý basqarmasy basshysy D. Dosqulovqa janýarlardy qorǵaý salasyndaǵy zańnamalyq aktilerdiń ázirlenýi men qabyldanýyna tıisti baqylaýdyń bolmaǵany úshin sógis jarııalandy. Bul týraly QazAqparat elorda ákimdiginiń resmı saıtyna silteme jasap habarlaıdy.
Janýarlardy ustaý jumystaryn kúsheıtý týraly «Ashyq quqyqtyq aktiler» portalyna júktelgen qujattyń jaramsyz ekendigin habarlaımyz. Qańǵybas janýarlardy ustaý jáne aýlaý erejelerin qataıtý máselesi qalalyq ákimdikte qaralmaıdy.
«Janýarlarǵa jaýapkershilikpen qaraý týraly» Zań qabyldanǵannan keıin ony júzege asyrýda janýarlardy qorǵaý uıymdary ókilderiniń pikirleri eskerilip, quqyqtyq aktiler qabyldanatyn bolady», delingen ákimdik habarlamasynda.
