Jantúrshigerlik jol apatynan eki adam qaza taýyp, taǵy ekeýi aýrýhanaǵa jetkizildi
QARAǴANDY. QazAqparat - Qaraǵandy oblysynda jan túrshigerlik jol apaty boldy. Úsh mashınanyń soqtyǵysýynan eki adamnyń ómiri qıyldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Oblystyq ishki ister departamenti ókilderiniń aıtýynsha, 9 tamyz kúni «Jezqazǵan - Sátbaev» avtojolynda 36 jastaǵy júrgizýshi basqarǵan «KIA RIO» mashınasy, aldyn ala málimetterge qaraǵanda, qarama-qarsy jolǵa shyǵyp, Jezqazǵan qalasynyń 36 jastaǵy turǵyny júrgizip kele jatqan «Toyota Land Cruiser Prado» avtomobıline soqtyǵysqan. Artynsha 74 jastaǵy zeınetkerdiń «VAZ-2101» avtomobılin baryp soqqan.
Jol apaty saldarynan «KIA RIO»-nyń eki jolaýshysy oqıǵa ornynda qaza tapty. Al «Toyota Land Cruiser Prado» júrgizýshisi men «KIA RIO» jolaýshysy aýrýhanaǵa jetkizilgen.
Osyǵan baılanysty QR Qylmystyq kodeksiniń 345-babynyń 4-bóligine sáıkes sotqa deıingi tergep-tekserý bastaldy.
Tıisti saraptamalar belgilengen.
