Jansúgirov atyndaǵy ýnıversıtette jańa pán engizildi

TALDYQORǴAN. QazAqparat - Jetisý ólkesiniń baı tarıhy men tabıǵatyn nasıhattaý maqsatynda Taldyqorǵandaǵy І.Jansúgirov atyndaǵy Jetisý memlekettik ýnıversıteti jańa pán ázirlep, ony oqý josparyna engizdi, dep habarlaıdy QazAqparat tilshisi.

Ýnıversıtettiń ınnovatsııalyq jumys jáne strategııalyq damý jónindegi prorektory Muhtar Tólegenniń aıtýynsha, arnaıy qurylǵan top sáýir aıynan bastap «Rýhanı jańǵyrý» baǵdarlamasynyń aqparattyq, oqytý-tárbıelik, ǵylymı baǵyttary boıynsha jumys jasap keledi. «Týrızm», «Geografııa», «Ekonomıka» jáne «Tarıh» mamandyqtarynyń stýdentteri úshin «Jetisý tarıhy», «Tarıhı ólketaný» jáne «Tarıhı týrızm» sekildi elektıvti pánder engizilgen.

Sonymen qatar, Jetisý ólkesiniń kıeli oryndary negizinde tarıhı nysandar katalogy ázirlenýde.

«Taǵy bir qolǵa alynǵan is týraly aıtar bolsaq, durys jazý jáne aıtý úshin latyn grafıkasyna kóshý boıynsha arnaıy kýrstar uıymdastyrý josparlanýda», - dep atap ótti M.Tólegen.