Janseıit Túımebaevtyń uly búlik kezinde belgisiz bireýler qolynan qaza tapty
ALMATY. QazAqparat - Ál-Farabı atyndaǵy Qazaq ulttyq ýnıversıtetiniń rektory Janseıit Túımebaevtyń uly qaza tapty, dep habarlaıdy QazAqpart tilshisi.
Ál-Farabı atyndaǵy Qazaq ulttyq ýnıversıtetiniń rektory J.Túımebaevtyń ulynyń qaıǵyly qazaǵa ushyraýyna baılanysty jalǵan aqparat taramas úshin oqý ornynyń baspasóz qyzmeti resmı aqparat berdi.
«6 qańtar kúni keshki saǵat 18.35 mınýt shamasynda Almatyda kommendanttyq saǵat bastalmas buryn, Elnar N.Nazarbaev kóshesimen joǵary kóterilip, úıine qaıtyp kele jatqan. Q.Sátpaev kóshesine jetpeı, qıylysta toqtap turǵan sátinde kútpegen jerden kóligine belgisiz adamdar birneshe ret oq atqan. Ol alǵan jaraqat saldarynan oqıǵa ornynda kóz jumdy»,- delingen habarlamada.
Qazirgi sátte quzyrly organdar tıisti tergeý amaldaryn júrgizýde.
