Janseıit Túımebaev Ulttyq akademııalyq kitaphanasynyń dırektoryna «Birlik» medalin tapsyrdy
NUR-SULTAN. QazAqparat – Qazaqstan halqy Assambleıasy Tóraǵasynyń orynbasary Janseıit Túımebaev Qazaqstan Respýblıkasynyń Ulttyq akademııalyq kitaphanasynyń bas dırektory Úmithan Munalbaevaǵa «Qazaqstan halqy Assambleıasynyń «Birlik» altyn medalin tapsyrdy.
Mereıli marapat el Táýelsizdigi men halyq birligin nyǵaıtýǵa, mádenıetaralyq qarym-qatynasty damytýǵa, patrıottyq sezimdi qalyptastyrýǵa eleýli úlesi qosqan azamattarǵa Qazaqstannyń Tuńǵysh Prezıdenti – Elbasy N.Nazarbaevtyń Jarlyǵymen beriledi.
Janseıit Qanseıituly áriptestik qarym-qatynasy men qoldaýy úshin Úmithan Dáýrenbekqyzyna alǵys aıtyp, aldaǵy ýaqytta birlese jumys isteýge senim bildirdi.
