Janseıit Túımebaev Túrkistandaǵy qurylys jumystarymen tanysty
TÚRKІSTAN. QazAqparat - Túrkistan qalasyndaǵy ákimshilik iskerlik ortalyǵynda qurylys jumystary qarqyn alǵan.
Oblys ákimi Janseıit Túımebaev jańadan boı kóterip jatqan nysandardyń jobasymen tanysyp, jaýaptylarǵa qurylysty qarqyndatýdy tapsyrdy, dep habarlaıdy QazAqparat tilshisi.
Búginde ákimshilik, basqarmalar jáne departamentter ǵımarattarynyń qurylysyn «BI Group» JShS-i júrgizýde. Ortalyqtyń ornynda qazanshuńqyr qazylyp, tıisti jumystar atqarylýda. Jospar boıynsha nysannyń qurylysy jyl sońyna deıin aıaqtalyp, paıdalanýǵa beriledi dep kútilýde. Sonymen qatar, oblys ortalyǵynda Astana qalasynyń ákimdiginiń tapsyrysy boıynsha «Astana» alańy men Almaty qalasy ákimdiginiń tapsyrysymen medıaortalyq salynýda.
«Samuryq qazyna» AQ tapsyrysymen kongress-ortalyq jáne oqýshylar saraıy ǵımarattarynyń da qurylysy bastaldy. Aldaǵy ýaqytta «UÁQ Samuryq qazyna» AQ tapsyrysymen 7 myń oryndyq stadıon men Shymkent qalasy ákimdiginiń tapsyrysy boıynsha oblystyq ǵylymı-ámbebap kitaphananyń qurylysyn bastaý kózdelýde. Sondaı-aq, Túrkistan qalasynyń rýhanı-mádenı aımaǵynda «UÁQ Samuryq qazyna» AQ tapsyrysymen Qoja Ahmet ıAssaýı murajaıy nysany salyna bastady.
