Janseıit Túımebaev: QHA ulttar men ulystardyń altyn dińgegine aınaldy
Festıvaldiń ashylýyna deıin qonaqtar sándik-qoldanbaly óner kórmesimen jáne ýkraın jastar qanaty Jastar jylyna arnap uıymdastyrǵan «HHІ ǵasyr jastary – obektıvte» fotokórmesimen tanysty.
«Elimizdegi barlyq etnomádenı birlestikterdiń ortaq qurylymy bolǵan, azamattyq qoǵamnyń erekshe ınstıtýty – Qazaqstan halqy Assambleıasy ulttar men ulystardyń altyn dińgegine aınalǵanyn» atap ótken Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev qatysýshylardy festıvaldiń ashylýymen shyn júrekten quttyqtady.
«Búginde Qazaqstan kópultty jáne kópkonfessııaly el bolyp tanyldy. Elbasymyz Nursultan Nazarbaevtyń qoǵamdyq birlik pen jalpyulttyq birliktiń modeli álemge tanymal boldy.
Tarıhı taǵdyry ortaq túrli ult ókilderi táýelsiz Qazaqstannyń irgesin birge qalasýda. Olardyń arasynda basqa etnostardyń barlyǵymen terezesi teń ýkraındyqtar da bar. Sol úshin de Sizderge alǵys aıtamyn!» deı kele, Janseıit Túımebaev óz sózin myńjyldyq tarıhy bar qazaq-ýkraın dostyǵynyń bastalý, ýkraındyqtardyń «Uly Dala Elinde» paıda bolý tarıhynan bastady.
Qazaqstandyq ýkraınderdiń qazaq jerine qonystaný tarıhy hronologııalyq turǵydan uzaq ýaqyt aralyǵyn qamtıdy. Tarıhı derekter boıynsha, 1768 jyly basyp janyshtalǵan gaıdamak qozǵalysy músheleriniń Sibirge, ishinara qazaq halqy meken etken aýmaqtarǵa jer aýdarylǵan eken.
Biraq, ýkraın kóshiniń negizgi lekteriniń biri HІH ǵ. 80-90 jj. jáne Stolypınniń reformasy aıasynda júzege asyryldy. Nátıjesinde, HH ǵasyrdyń basynda ýkraınder sany jaǵynan qazaqtar men orystardan keıingi orynǵa kóterilgen edi.
Qyzyqty málimetterge toly baıandama barysynda Janseıit Túımebaev «qazaqstandyq ýkraınder elimizdegi eń bir kóp sandy ult ókilderiniń qatarynda» ekenin atap óte otyryp, Qazaqstan men Ýkraınadaǵy tamyry qazaqstandyq ýkraınder týraly da aıta ketti: «boks chempıony V.V.Klıchko – Qazaqstannyń týmasy bolsa, qazaqstandyq aýyr atletshi A.M.Hrapatyı – ýkraındyq. Qazaqstandyq bokser V.A.Levıt pen ataqty qazaqstandyq jýrnalıst ıA.Krasıenkonyń ulty ýkraın».
Qazaqstan Respýblıkasynyń táýelsizdik alýymen elimizdi mekendeıtin etnos ókilderi úshin, olardyń arasynda mol sandy ýkraınder úshin de damýdyń jańa kezeńi bastalyp, óz tilin, dini men salt – dástúrlerin jańǵyrtýǵa mol múmkindik týdy.
Shamamen 300 adam qatysqan qyzyqty festıval Qazaqstannyń 11 oblysynan jınalǵan ýkraın shyǵarmashylyq ujymdarynyń merekelik kontsertimen, sondaı-aq festıval jeńimpazdaryn marapattaý rásimimen jalǵasyn tapty.
Táýelsiz Qazaqstannyń damýyna zor úlesin qosyp kele jatqan etnostardyń biri – ýkraınder búgingi kúni elimizdegi mol sandy etnostardyń qatarynda 4-shi orynǵa ıe.
Ýkraın halqynyń mádenıetimen, salt-dástúrimen tanysýǵa múmkindik jasap, merekelik kontsert pen tamasha kórmeniń kýási bolýǵa úlesin qosqan osyndaı qyzyqty da aýqymdy sharanyń uıymdastyrýshylaryna zor alǵysyn jetkize otyryp, Janseıit Túımebaev ýkraın etnomádenı birlestigine «shyǵarmashylyq tabystar men sarqylmas qýat» tilep, jarqyn bastamalarynyń júzege asýyna, jumystarynyń árdaıym jemisti bolýyna tilektestik bildirdi.
Sondaı-aq, atalǵan sharaǵa QR Parlamenti Májilisiniń depýtattary, «Rada ýkraıntsev Kazahstana» respýblıkalyq zańdy tulǵalar birlestiginiń tóraǵasy ıÝrıı Tımoşenko, Qazaqstandaǵy Ýkraına Elshisi Ivan Kýleba, Sergeı Vınnık, memlekettik organdar men sheteldik dıplomatııalyq mıssııa ókilderi, etnomádenı birlestikter men QHA músheleri jáne t.b. qatysty.
Sharanyń maqsaty – «Rýhanı jańǵyrý» baǵdarlamasyn júzege asyra otyryp, qoǵamdyq kelisim men jalpyulttyq birlikti nyǵaıtý; qazaqstandyq etnos ókilderiniń mádenıetin nasıhattap, azamattyq birtektilik qalyptastyrý; Qazaqstandyq baýyrlas halyqtar arasynda áriptestik baılanys ornatyp, dostyq qarym-qatynastardy arttyrý.
