Janseıit Túımebaev Kentaýdaǵy sharýa qojalyqtyń jumysymen tanysty

TÚRKІSTAN. QazAqparat - Túrkistan oblysynyń ákimi Janseıit Túımebaev Kentaý qalasynyń Shaǵa aýylynda ornalasqan «Memleket» sharýa qojalyǵynyń jumysymen tanysty, dep habarlaıdy QazAqparat tilshisi.

2014 jyldan beri naryqta qyzmet etip kele jatqan qojalyqta 900 bas mal bar. Negizinen, iri qara maldy bordaqylaýmen aınalysatyn sharýalar qosymsha shujyq ónimderin de óndiredi. Aımaq basshysyna ónimniń negizgi tutynýshysy jergilikti halyq ekenin alǵa tartqan sharýa qojalyǵy tóraǵasynyń orynbasary Baqytjan Baıjomartov mundaǵy arnaıy ashylǵan mal soıý beketterinde kúnine 15-20 basqa deıin soıylatynyn aıtty. Búginge deıin barlyq shyǵyndy jeke ózi kóterip, isti dóńgeletip jatqan «Memleket» ShQ basshylyǵy iri qara malynyń jem-shóbin qamtamasyz etý jaıyn da sheship qoıǵan. ıAǵnı, 150 gektar arnaıy alqapqa jońyshqa, júgeri jáne bıdaı egip, túlikterge jem daıyndaıtyn tseh ashqan. Onda táýligine 20-24 tonna jem daıyndalady. Osynaý jem-shópke bordaqylanǵan maldyń salmaǵy 450-500 kelige deıin tartady.

Atqarylyp jatqan jumystarǵa qanyqqan oblys basshysy qojalyq jetekshilerine et kólemin arttyrýdy tapsyrdy. Bul rette sharýa qojalyǵynyń ıegerleri atalǵan maqsatty oryndaý úshin bankten jeńildetilgen nesıe alý jaıyn qarastyryp jatqanyn jetkizip, ony ótkizýde ákimdik tarapynan qoldaý kórsetýdi surady.

Jalpy, Kentaý qalasynda 328 mal bordaqylaý alańy jumys istep tur. Onda 4920 bas iri qara mal bordaqylanýda. Bordaqylaý alańdarynda turǵyndar tutyný úshin 1968 tonna et óndirildi. 2018 jyly 485 tonna iri qara eti «Qaıyp ata» sharýa qojalyǵy arqyly eksportqa shyǵaryldy.