Janseıit Túımebaev Keles aýdanynyń tynys-tirshiligimen tanysty
TÚRKІSTAN. QazAqparat - Túrkistan oblysynyń ákimi Janseıit Túımebaev Keles aýdanyna arnaıy jumys saparymen bardy, dep habarlaıdy QazAqparat.
Aımaq basshysy aýdannyń tynys-tirshiligimen tanysyp, Qoshqar ata aýyldyq okrýgindegi «Óktemhan» sharýa qojalyǵynda atqarylyp jatqan jumystarǵa da qanyqty. Munda jylyna 120 tonna kókónis ónimderin shyǵarylady. Jalpy jer kólemi 6 gektar bolsa, onyń 0,65 gektaryna jylyjaı salynǵan. Qojalyq ıesi Tursynbaı Qalybaev óz qarajaty esebinen jobaǵa 22 mln teńge qarjy salǵan. Búginde munda 60 myń teńge jalaqymen 5 adam turaqty jumyspen qamtylǵan. Joba 2014 jyly júzege asqan.
Aımaq basshysy aýylsharýashylyq taýaryn óndirýge kelgende sanyna ǵana emes, sapasyna da erekshe mán berý kerektigin aıtty.
«Bizdiń oblys basqa óńirlerden aýyl sharýashylyǵymen erekshelenedi. ıAǵnı, bizdiń ónimdi elimizdiń barlyq aımaqtary tutynady. Odan bólek, ózge elderge eksporttalyp jatqany qansha. Demek, biz sapaǵa meılinshe kóńil bólýimiz kerek. Sonda taýarlaryńyz ótimdi bolady. Eger ónimniń sapasy joǵary bolsa, uzaq saparǵa da shydamdy, tózimdi bolary sózsiz», - dedi Janseıit Túımebaev.
Aıta keteıik, búginde aýdanda 5114 aýyl sharýashylyǵy nysany jumys isteıdi. Onyń 4994-i sharýa qojalyǵy bolsa, 120-sy óndiristik kooperatıv.
