Janseıit Túımebaev: Qazaqstan halqy Assambleıasy - azamattyq qoǵamdy damytýdaǵy jarqyn mysal

NUR-SULTAN. QazAqparat - Bıyl Azııadaǵy ózara senim sharalary keńesiniń qurylǵanyna 27 jyl tolady. Bul týraly «Azııadaǵy ózara senim sharalary keńesi keńistigindegi azamattyq qoǵam: jaǵdaıy men damý perspektıvalary» forýmynda aıtyldy, dep habarlaıdy QazAqparat tilshisi.

«Bıyl Azııadaǵy ózara senim sharalary keńesiniń qurylǵanyna 27 jyl tolady. Bul bastamany birinshi bolyp qolǵa alǵan QR Tuńǵysh Prezıdenti Nursultan Nazarbaev bolatyn. Búgingi tańda AÓSShK quramyna 27 memleket, 8 baqylaýshy el jáne 5 halyqaralyq uıym kiredi», - deıdi Qazaqstan halqy Assambleıasy tóraǵasynyń orynbasary, hatshylyq meńgerýshisi Janseıit Túımebaev.

Onyń aıtýynsha, 2014 jyly 5 mamyrda Qazaqstan halqy Assambleıasy men AÓSShK arasynda memorandýmǵa qol qoıylǵan.

«Kelesi jyly Assambleıanyń 25 jyldyǵy toılanady. Bul - Assambleıanyń qoǵamdaǵy rólin kóterýdegi jańa deńgeı bolmaq, sol sebepti búgingi forýmnyń taqyrybyn osylaı atadyq. Qazaqstan halqy assambleıasy - azamattyq qoǵamdy damytýdaǵy jarqyn mysal», - dedi ol forýmnyń ashylý saltanatynda.