Janseıit Túımebaev birqatar BAQ ókilderine «Meıirim» tósbelgisin tabys etti
«Barshańyzdy 28 - maýsym Buqaralyq aqparat quraldary qyzmetkerleri kúnimen shyn júrekten quttyqtaımyn Qalamdaryńyz júırik, oılaryńyz ushqyr, sózderińiz ótimdi bolsyn!», - dedi Janseıit Túımebaev QHA jýrnalıster klýbynyń otyrysynda.
Otyrys aıasynda ol Qazaqstan halqy Assambleıasy qyzmetiniń jalpyulttyq birlik pen qoǵamdyq kelisim salasyndaǵy memlekettik saıasatty júzege asyrýyna aqparattyq qoldaý kórsetýge úles qosqany úshin, sonymen qatar BAQ qyzmetkerleriniń kásibı merekesine baılanysty Qazaqstan Halqy Assambleıasynyń «Meıirim» tós belgisimen 11 BAQ basshysyn marapattady.
Marapattalǵandardyń qatarynda Bas redaktorlar klýbynyń tóraǵasy, Qazaqstan Respýblıkasynyń «Prezıdenti tele-radıo kesheni» ulttyq aktsıonerlik qoǵamynyń Bas dırektory Erlan Bekhojın, «Habar» agenttigi» Aktsıonerlik qoǵamy «Elarna» telearnasynyń dırektory Arman Seıitmamyt, «Qazaqstan» respýblıkalyq teleradıo kesheni» AQ basqarma tóraǵasy Lázzat Tanysbaı, «Astana» telearnasynyń dırektory Bıbigúl Jeksenbaı syndy tanymal jýrnalıster boldy.
Munan bólek, «QazAqparat» HAA bas dırektory Asqar Ýmarov, «QazAqparat» HAA Qazaq redaktsııasynyń shef-redaktory Baqytjan Erbasov, Orys redaktsııasynyń shef-redaktory Ashat Ahmetbekov, «Egemen Qazaqstan» gazeti basqarmasynyń tóraǵasy Darhan Qydyráli, Kazahstanskaıa pravda» gazetiniń saıasat bóliminiń redaktory ıÝlııa Mager Qazaqstan halqy Assambelıasynyń alǵys hatyn aldy.
