Janseıit Túımebaev aqyn-sazger Israıl Saparbaımen kezdesti

ShYMKENT. QazAqparat - Ońtústik Qazaqstan oblysynyń ákimi Janseıit Túımebaev aqyn-sazger, dramatýrg,  Táýelsiz «Platınaly Tarlan» syılyǵynyń jáne «Parasat» ordeniniń ıegeri Israıl Saparbaıdy qabyldady.

Kezdesýde ákim aqyn-sazgerdiń 75 jyldyq mereıtoıymen quttyqtap, táýelsiz elimizdiń rýhanı baılyǵyn arttyrýdaǵy eńbeginiń  eselene túsetinine senim bildirdi, dep habarlaıdy QazAqparat tilshisi.

 «Biz Sizdi aqyn, kompozıtor, dramatýrg retinde elge sińirgen abyroıly eńbegińizben elimizdiń poezııasy men  óneriniń  damýyna zor úles qosyp kele jatqan, óziniń dara joly bar el azamaty retinde maqtan tutamyz. Siz 160-tan asa ánder men 150-ge tarta án mátinderiniń avtorysyz. «Saǵynysh sazy», «Júrekke júrek til qatar», «Shymkentim shyraılym», «Nostalgııa», «Toıbastar», «Egiz lebiz» «Táýelsizdik urany»  jáne taǵy basqa da ánderińiz halyq arasyna keń tarap,  súıip tyńdaıtyn  ánderge aınaldy»,-dedi ákim óz sózinde.

Sonymen qatar, aımaq basshysy jas urpaqtyń boıyna ulttyq qundylyqtardy sińirip, olardyń rýhanı, mádenı bolmysyn qalyptastyrý maqsatynda  jáne meroıtoı ıesiniń qurmetine oraı uıymdastyrylyp otyrǵan respýblıkalyq án baıqaýynyń sátti ótýine tilektestigin bildirdi.

Kezdesýde eki jaq Elbasynyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasyn júzege asyrý jaıy men óńir mádenıetiniń damýy boıynsha sóz qozǵap, eldiń rýhyn bıiktetetin aqyn-sazgerlerdiń shyǵarmashylyǵyn jastar arasynda keńinen nasıhattaý qajettigin aıtty.